Jayakrishna: టాలీవుడ్‌లోకి మరో వారసుడు ఎంట్రీ ఇవ్వబోతున్నాడట… ఈ మధ్యకాలంలో ఎంతో మంది స్టార్లు తమ పిల్లలను చిత్రసీమకు పరిచయం చేశారు. కాకపోతే తాజాగా వెండితెరపై మెరవాలనుకుంటున్న వారసుడి ఎంట్రీతో ఆ కుటుంబం నుంచి మూడో తరం ఆరంగేట్రం చేసినట్లు అవుతుంది.
ఇప్పటికే ఆ కుటుంబానికి చెందిన కొందరు వారసులు వెండితెరపై తమ అదృష్టాన్ని పరీక్షించుకోగా, ఇప్పుడు వస్తున్న యంగ్‌ హీరో… తన బాబాయ్‌లా మిల్క్‌ బాయ్‌ లుక్కులో కనిపిస్తుండటమే టాలీవుడ్‌లో స్పెషల్‌ టాపిక్‌గా మారింది. సూపర్‌స్టార్‌ కృష్ణ కుటుంబం నుంచి మరో వారసుడు ఎంట్రీ ఇవ్వబోతున్నట్లు జరుగుతున్న సమాచారం హాట్‌టాపిక్‌గా మారుతోంది.
ఎందరో వారసులు ఎంట్రీ..
వాస్తవానికి కృష్ణ కుటుంబం నుంచి ఇప్పటికే ఎందరో వారసులు ఎంట్రీ ఇచ్చారు. ఆయన కుమారుడు మహేశ్‌బాబు టాలీవుడ్‌ అగ్ర కథానాయకుడిగా కొనసాగతున్నారు. ఇక త్వరలో మహేశ్‌బాబు కుమారుడు గౌతమ్‌ కృష్ణ సినీ ప్రవేశం ఉంటుందని ఊహాగానాలు కొనసాగుతుండగా, అంతకు ముందే మహేశ్‌బాబు అన్న కుమారుడు జయకృష్ణ ఎంట్రీ ఉంటుందని తాజా సమాచారం.
మహేశ్ అన్న దివంగత నటుడు రమేశ్‌బాబు కొడుకు జయకృష్ణ చూడటానికి అచ్చం మహేశ్ బాబులానే ఉంటాడు. రమేశ్‌బాబు, కృష్ణ బ్రతికి ఉంటే ఇప్పటికే జయ క్రిష్ణను హీరోగా పరిచయం చేసేవారని అంటున్నారు. ఐతే ఇప్పుడు ఆ బాధ్యత మహేశ్ తీసుకున్నాడని టాక్. జయకృష్ణ కోసం కొన్ని కథలు కూడా వినటం జరిగిందని, మొత్తం సెట్ అయితే వచ్చే పుట్టినరోజు లోగా జయకృష్ణ సినిమా రిలీజ్ చేస్తారంటున్నారు.
ఇప్పటికే జయకృష్ణకు ఫ్యాన్ ఫాలోయింగ్ ఏర్పడింది. కృష్ణ ఫ్యాన్స్, మహేశ్ ఫ్యాన్స్‌తో పాటు వేరే స్టార్ హీరోల ఫ్యాన్స్ కూడా జయక్రిష్ణకు అభిమానులుగా మారటం విశేషం. అంతేకాదు జయకృష్ణ లుక్కు చూసిన కొందరు అభిమానులు జూనియర్ కృష్ణగా పిలుస్తున్నారట… మరోవైపు జయకృష్ణ కోసం కథలు వింటున్న మహేశ్‌బాబు… ఎలాంటి స్టోరీ ఓకే చేస్తాడని ఫ్యామిలీ అంతా ఎదురు చూస్తున్నారు.
Disclaimer: This story is auto-aggregated by a computer program and has not been created or edited by newStone.
